Keine Inhalte/Widgets in dieser Seitenleiste vorhanden.

„De Pantüffelheld“

Schwank in dree Törns vun Wilfried Reinehr

De Buer Paul Staller (speelt vun Asmuss Schaffer) steiht ornlich ünner de Pantüffel.

Dat ganze Dörp seggt Pantüffelheld to em. Man, Paul sieht dat ganz anners. He sieht sik

as kloken Taktiker un erfüllt jede Wunsch vun sien Fru, dormit he blots sien Roh hett.

 

Sien Fru Erna (speelt vun Angela Christiansen) hölt de Fadens op’n Hoff in’e Hand.

Ok hett se för ehr Dochter Bine (speelt vun Frauke Harner) all en Brögam mit düchti

Klei an’e Hacken utsöcht.

 

Man – för Bine is de ooltmoodsche Knacker Otto Hacker (speelt vun Friedrich Feddersen)

gor nich recht. Se hett ehr Hart all vergeven an Peter,de Kellner vun’t Hotel

(speelt vun Roland Herpel). Dor hett Magd Lene (speelt vun Birgit Breckling) en dulle Idee.

Peter warrd op’n Hoff inquarteert.

 

Naver Jakob (speelt vun Dirk Lebeck) is jüss so’n Pantüffelheld as Paul. He jachtert ok geern

mal en smucke Rock achterna. Avers sie Fru Trude (speelt vun Rita Gummelt) hett dat gor nich

geern un se stickt mit Erna ünner een Deek.